My own sketch :)

Read More

Galau

Read More

Me and My Twin Brother (Joe)

Read More

Read More

Read More

Sapa le yang mo paduli... ?

Pake bahasa Kupang sa ee.. Langsung sa.. Jadi b deng b pung kawan2 pelayanan dong di TRINITY (Transformed Life Community) su berapa bulan ni pelayanan di camp pengungsian Timor Leste di Noelbaki. Katong melayani anak-anak di sana dong. awalnya b agak pesimis waktu b pung kawan sms satu malam ajukan ini ide, karena b 3 tahun bergaul dengan dong jadi b "kira" b tau dong pung watak tu kermana. b agak keberatan awalnya, tapi singkat cerita tanggal 5 mei kemaren katong rame2 turun kesana untuk merayakan Paskah sama2 dengan anak2 di sana. Katong kerja sama dengan PAUD lokal.Ada satu ibu muda yang punya hati bantu itu ana2 dong tanpa imbalan. B berdoa biar Tuhan berkati dia pung pengorbanan.

Jadi waktu sampe di sana, asli b kaget bukan main karna ternyata kondisi orang2 di sana jauh di luar b pung perkiraan. Tadinya b sangka b tau dong seperti apa, ternyata b salah. dong sangat membutuhkan kepedulian dari saudara2 yg laen. b kira dong brutal, tapi b salah. Dong punya alasan di balik itu semua, kenapa kadang dong bertindak kasar. itu semua karna dong diperlakukan son adil. Su begini lama tahun pindah pi Indonesia ma son diperlakukan DENG ADIL. B pung hati ke ancor kermana ko waktu b lia dong pung kondisi. Orang anggap remeh dong ma bagitu2 ju dong katong pung saudara. Katong sering mengeluh bilang rumah panas, bocor deng apa segala ma dong, biar tinggal masih di barak dong son mengeluh. Katong pelayanan di sana su sejak bulan mei kemaren trus katong terus lakukan apa sa yg katong bisa buat utk bantu dong. B ingat waktu abis kegiatan katong bentuk grup2 kecil trus katong dari TRINITY masuk di tiap grup ko bacarita deng itu adi2 dong, tanya dong pung sakolah karmana, besar mau jadi apa.. B salut, biar idop pas2an ma dong pung cita2 son mati. Waktu katong berdoa buat dong, katong bapegang tangan dan b rasa suatu kehormatan besar bisa doa buat dong karena katong son tau, satu hari sapa tau dari yg tangannya katong pegang ada yang jadi pemimpin besar. Orang di sana idop pas2an.. dong son punya tanah, kerja bergantung deng orang pung belas kasihan, bae ko ada yg mau kasi kerja dong jadi penggarap sawah atau jadi supir ko konjak. Na bayangkan sa, penghasilan mau besar kermana.. dibanding deng katong, biar katong bilang idop susah su ju masih bisa makan 3 kali, itu ju tambah mangkali 3 kali ju, ma dong.. bisa makan satu kali sa su bersyukur. Agustus kemaren katong dari TRINITY kembali le pi sana, karena ktg terbeban dengan anak2 di sana jadi katong buat program kakak asuh. jadi tiap minggu katong datang tiap hari sabtu bikin program makanan sehat, katong beli susu, telur deng laen dong. Puji Tuhan, Tuhan berkati ana2 dong di sana lewat b pung kawan di Jakarta yang terbeban juga jadi dia bantu sebisanya beberapa minggu ni dengan support dana buat beli makan deng susu kasi ana2 di sana.

Awalnya b kuatir kalo2 nanti katong son bisa teruskan ini pelayanan karna keterbatasan dana, ma sekarang b sendiri kaget krna kadang tiba2 sa berkat mengalir dari orang yg katong sonde sangka2. Tapi dana dasar untuk bantu dong di sana katong kumpul dari kawan2 di TRINITY tiap minggu 10rbu atau berapa sa yg katong sanggup. Sebelum katong datang lei bulan lalu,b dengar kabar yang bikin b pung hati hancur.. Ada 2 anak kecil kaka adi mati gara2 kelaparan son ada makan. Yang paling menyakitkan le, dari cerita beberapa ibu di sana, dong bilang saking laparnya deng son ada makan, kalo ayam berak na "minta permisi" ma itu ana dua yang mati tu dong makan tai ayam. :'( Kawan2 eee, ini di katong pung tana sandiri.. Noelbaki - Kupang berapa jauh? masa katong sampe hati lia katong pung sodara mati kelaparan... Basodara dong inga e, kalo makan na jang buang2, dan kalo sempat na basudara dong bisa pi kunjungi adi2 dong di Noelbaki. Kasian, katong bisa makan daging ayam, nasi ayam, telur ayam ma itu ana dua orang yang mati, dong makan tai ayam. katong sempat ngobrol dengan orang2 tua di sana dan rata2 dong pung keluhan sama, dong kesulitan mengenai dana kesehatan. Dong harap2 suatu hari dong bisa punya JAMKESMAS. Dong ulang2 dapa usir di RS gara2 son punya uang. dong sakit hati sampe2 waktu kemaren katong layani ada yang sakit, katong tanya kenapa son bawa pi Rumah Sakit? Dong pung orang tua dong bilang "kita lebih pilih sakit dan mati daripada kita pigi Rumah Sakit ko dong usir kita ke binatang" Son jarang perawat dong jaga2 kalo2 dong lari dari RS son bayar.. Sampe hati sekali... :( Minggu lalu b kesana lagi dan sempat datang ke beberapa rumah untuk liat kondisi di sana dan beroda buat yang sakit. Trus ada satu anak 10 tahun datang trus dia mohon katong bisa datang pi dia pung rumah ko berdoa kasi dia pung kk yang lumpuh. Katong samua kaget waktu liat ternyata dia pung kaka snd beda jauh umur deng dia. sekitar 12 tahun. dia pung nama Andreas, dia menderita mental retarded dan mungkin juga polio. Dia snd terurus dari kecil dan dikurung dalam rmh terus karna org tua snd sanggup biayai ke dokter, di tambah lagi dengan kepahitan warga di sana dengan dokter dan rumah Sakit..

Minggu lalu ada mahasiswa2 dari kedokteran pi buat pelayanan kesehatan di sana, trus dapat kritik pedas dari satu bapatua, saking kecewanya beliau dengan Rumah Sakit. bapatua bilang : "Oh, jadi kaliang ini calon dokter? Sekarang saja kamu orang baik, liat saja nanti kamu orang punya sifat asli keluar kalo su jadi dokter.. mana mau kaliang layani kita dari camp sini, sudah miskin, tidak punya apa2, bau juga..." b pung hati sakit waktu dengar itu bahasa. Tanggal 18 agustus kemaren katong dari TRINITY pi le di sana untuk rayakan kemerdekaan sama2.. b pung hati tambah ancor waktu lia ini ana2 kici dong baris dengan rapi trus dengan semangat menyanyi lagu Indonesia Raya deng lagu2 kebangsaan dong.

Kermana katong son sedih, dong memilih untuk jadi bagian dari ini republik tapi sampe ini hari dong belom betul2 rasa hak sebagai warga negara. dong bisa sa pulang pi Timor Leste, tapi dong cinta ini tana air. Dong kastenga dong pung harta benda di sana, bahkan rela tapisa deng keluarga demi jadi bagian dari ini negara, ma sampe hati katong kastenga dong idop susah.. Sampe ini hari dong trauma dengar kata Rumah Sakit.. waktu katong datang bawa makanan sehat buat dong pung ana2, dong sampe cerita ke pastor di gereja bilang Tuhan kirim utusan untuk berkati dong pung ana2 dengan makanan enak. Sodara dong ee, yg katong bawa cuma susu, telur deng kacang ijo sa.. katong bisa makan itu kapan sa, ma bagi dong itu makanan termasuk makanan mewah.. :'( Katong sonde salahkan pemerintah, dong ju sibuk jadi dong ju butuh katong ko bantu lia kalo ada yang bisa dong bantu na katong kastau. Alasan b tulis ini artikel supaya ketuk katong pung hati.. katong idop enak, pi mana sa bisa, mau beli apa sa bisa. Sekarang coba katong lia orang ke dong.. Kalo bukan katong, sapa le yang mo paduli? Masa katong sampe hati makan enak ma di sana katong pung saudara mati kelaparan..

Sekarang banyak penipuan, dan mungkin ada yg baca ini artikel dan pikir katong atas namakan ini orang dong untuk cari doi. sonde ada apa2, sonde usah percaya dengan beta, dan kalo mau bantu sonde harus lewat beta deng kwn2, basudara dong bisa turun langsung di Terminal Noelbaki, nanti ada PAUD Gerazo di situ. Basodara dong silahkan bisa langsung ketemu dan bacarita deng orang2 di situ mengenai dong pung keadaan. B son minta apa2, cuma tolong katong sadar sa dan kalo basodara tergerak mau bantu tapi sonde punya waktu atau alasan jarak, bisa kontak beta. Inbox sa atau komen. dan kalo basudara dong rasa snd bisa buat banyak, cukup share ini artikel sa ke orang laen. b mau orang Kupang, orang Timor sadar dan peduli deng katong pung saudara yang susah. Yang mau dapat info mengenai anak2 di Noelbaki, add beta di FB : Jack Loloin Makasih banyak, Tuhan berkati. _Jack Loloin_

Read More

HE IS OUR LIFE.

Bob George Jesus Christ did not just come to show us the way; He is the way. He did not just teach us some truth: He is the truth. He did not just leave us a manual to live by. He is our life. Whatever the need of the human heart, Christ offers Himself as the solution. His eternal answer is "I am". Much Christian teaching today is "ten steps to spiritual maturity," "the five-minute Christian parent," or "six ways to overcome grief." It is as if the Bible were nothing more than an instruction manual, a positive-thinking guide to success in any area of life, with just enough religious talk to calm our consciences and quiet that still, small voice that keeps reminding us of our emptiness. In many ways we are just like the Jews of Jesus' day to whom He said: You diligently study the Scriptures because you think that by them you possess eternal life. These are Scriptures that testify about Me, yet you refuse to come to Me to have life" (John 5:39,40). Rather than digging out of the Bible principles that we apply like a technician to repair our own lives, we are to go to the Word of God to get to know the Person of Jesus Christ, the living Word!Jesus said, "Come to me, all you who are weary and burdened, and I will give you rest" (Matthew 11: 28). He invites every person to come to Him to experience His love and compassion, and to share His resurrected life. I'm convinced that the devil doesn't care what our eyes are on, as long as they are off of Jesus. And that includes any one of a hundred good things, like Bible knowledge, fellowship, service, giving, or worship experiences. Anything we do that is not centered on the living Christ is a substitute for Christ. What God will bless as a supplement, He will curse as a substitute. The good is often the most deadly enemy of the best. From: Growing in Grace

Read More